باتىر مۇستافين 21 ناۋرىزدا تۇنگى ساعات 2-دە دۇنيەگە كەلدى. قالا اكىمى قايرات نۇكەنوۆ جاس وتباسىن قۇتتىقتاپ, نارەستەنىڭ كورىمدىگىنە دەپ 500 مىڭ تەڭگەنىڭ سەرتيفيكاتىن تابىس ەتتى.
اقسۋ قالاسى – مەتاللۋرگتەر مەن ەنەرگەتيكتەر ورداسى. مۇندا «ەۋرازيالىق ەنەرگەتيكالىق كورپوراتسيا» اق جانە «اقسۋ فەرروقورىتپا زاۋىتى» اق سياقتى الىپ ءوندىرىس ورىندارى شوعىرلانعان. ءتىپتى, ءوندىرىستى قالانىڭ 70 مىڭىنشى تۇرعىنى اتانعان تيتتەي ءسابيدىڭ ءوزى دە مەتاللۋرگتەر اۋلەتىنىڭ ءىزباسارى. سالماعى – 3 كيلو, 300 گر, بويى – 52 سم. نارەستەنىڭ اتا-اناسى – داۋرەن مەن ايگەرىم مۇستافينوۆتار دا فەرروقورىتپا زاۋىتىندا ەڭبەك ەتەدى ەكەن.
ءسويتىپ, كىشكەنتاي تۇرعىنعا باتىر دەپ ات قويىلدى. اقساقالدار ەل مەن جەرىن قورعاعان ۇلى باتىر بابالارىنداي رۋحتى, جىگەرلى بولىپ ءوسسىن دەپ باتا بەردى. باتىرىمىز ۇلكەن ازامات بولىپ ءوسسىن. ءسابيدىڭ باۋى بەرىك بولسىن دەپ تىلەك تىلەستى. قالا تۇرعىندارى 70 مىڭىنشى تۇرعىننىڭ دۇنيەگە كەلۋ كۇنىن ءبىر-بىرىنەن ءسۇيىنشى سۇراسىپ, مەرەكەلىك شارالارمەن اتاپ ءوتتى. ايتپاقشى, اقسۋ قالاسىندا سوڭعى ءۇش ايدا اراسىندا 6 ەگىز بار 250 ءسابي دۇنيەگە كەلىپتى. ال وتكەن جىلعى ەگىزدەر سانى – 16.
فاريدا بىقاي,
«ەگەمەن قازاقستان».
پاۆلودار وبلىسى,
اقسۋ قالاسى.